Dhruba Raj Thapa(ध्रुवराज थापा 'पुरूष')

  लघुकथा: 'चटक' ध्रुवराज थापा 'पुरूष' (काभ्रे, पनौती । हाल: कपन, काठमाडौँ ।) हेर्दा भद्रभलादमी देखिने एकहुल मान्छे एउटा रिसोर्टमा जम्मा भए ।एउटा भन्दै थियो "काटौं काटौं !" अर्को भन्दै थियो " कहाँ हुँदैन हुँदैन, एकै छिन पख ।" प्रतिक्षाको घडी सकियो ।एउटा मान्छे टुप्लुक्क आईपुग्यो । अर्कोले धारिलो चक्कु निकाल्यो र छातिमा धसी हाल्यो ।बिचरा मान्छेको तस्वीर छापीएको कोमल केक लल्याकलुलुक भैहाल्यो । एउटाले बलेको मैनबत्ती फूsssगरेर निभायो । सबैले एकसाथ लोलीमा लोली मिलाए "ह्याप्पी बर्थ डे टु यू !" सबैले खुसीले ताली पड्काए ।केकका एकएक चोक्टा सबैले बाँडेर लुछे । खेल समाप्त ।

 लघुकथा: 'पुरूषत्व' ✍️ ध्रुवराज थापा 'पुरूष' (काभ्रे, पनौती । हाल: कपन, काठमाडौँ ।) शर्मिलाले आफ्नो श्रीमान प्रकाशलाई आदेश दिइन् "ओइ प्रकाश ल मलाई आज छिटो खाना चाहिन्छ है, ढिला नगरेस् नि फेरि, आज अफिस छिट्टै जानु छ ! अँ साच्ची पहिला एउटा मिठो कफी बनाएर ल्या त ! कस्तो कफी खाउँ खाउँ लाग्यो !" श्रीमतीको कुरा सुनेर प्रकाश रन्थनीयो । उसलाई दिउँसै रात परे झैँ लाग्यो । रिसले आँखै देखेन ।आफूलाई मान सम्मान राखेर आदरभावले बोल्ने श्रीमतीलाई आज एकाएक के भयो ? भन्ने लाग्यो । श्रीमतीको व्यवहारले उ अक्क न बक्क भयो । होस सम्हाल्यो । अर्को कोठामा गएर आँखा चिम्लेर चुपचाप बस्यो । " होईन के भयो हजुरलाई ? आज हजुरलाई मसङ्ग धेरै रिस उठ्यो होला हैन ? ल यो कफी खानुस् मन शान्त हुन्छ !" भन्दै श्रीमतीले टाउको मुसार्दा ऊ झसङ्ग भयो ।  "अघि तैँले मसँग किन त्यसरी तँ तँ र म म गरेर बोलिस ? तँलाई के भयो ?" श्रीमान जङ्गीए । श्रीमतीले नम्र भएर  जवाफ दिईन्, "वर्षौंदेखि मलाई हजुरले त्यस्तै शब्द प्रयोग गर्नुहुन्छ, खोई म रिसाएकी छैन । आखिर हामी पनि त मान्छे नै हो । हजुरलाई त्...