लघुकथा: पीडा

 लघुकथा प्रतिष्ठानको दोस्रो बार्षिकोत्सवको अवसरमा हार्दिक मंगलमय शुभकामना तथ उत्तरोत्तर प्रगतिको कामना सहित बुढ्यौली विषयक प्रतियोगी लघुकथा: 'पीडा' 

✍️ ध्रुवराज थापा 'पुरूष'

      (काभ्रे, पनौती । हाल: कपन, काठमाडौँ ।)


"हजुरबुबा किन हजुर जहिले पनि सिरानीमाथि भित्तामा रहेको शिवजीको फोटोलाई हेर्दै हे शिव, मलाई छिट्टै लैजाउ मात्र भन्नुहुन्छ ? मैले धेरैपल्ट यो कुरा सुनिसकेँ ! किन यस्तो कुरा गर्नुभएको हजुरबुबा ?" नातिले हजुरबुबालाई प्रश्न गरे ।

"अब मलाई बाँच्ने मन छैन बाबु, कस्को लागि बाँच्नु ? तेरो हजुरआमाले छोडेर गएको पनि यतिका वर्ष भैसक्यो ।"

उनले थपे "मिठो खाने, राम्रो लगाउने, नयाँनयाँ ठाउँमा घुम्न जाने उमेरमा तिम्रो बाउको स्याहार सम्भार गर्दैमा ठिक्क भो ! पछि छोराले सबै चाहना पूरा गरिहाल्छ नि भनेर ढुक्क भईयो ! आफ्ना ईच्छा चाहानाहरू सबै दबाएर छोराछोरीको खुसीसङ्ग साटियो । छोरा बुढेसकालमा सहारा बन्ला भनेको अहिले पहेलित भएर बाँच्नु परेको छ बाबु !" हजुरबुबाले गुनासो पोखे ।

"हजुरबुबा त्यस्तो कुरा नगर्नुस् अहिले त मैले पनि जागिर खाएको छु । पहिलो महिनाको तलब पनि थापेकोछु ल भन्नुहोस् हजुरलाई के खान मन लागेको छ ?" नातिले सोधे ।

हजुरबुबाले भने "म बुढोमान्छेलाई कहाँ मिठो खान मन लाग्छ र बाबु ?" नातिले फेरि सोधे, "त्यसोभए हजुरलाई के लगाउन मन छ भन्नस् म किनेर ल्याईदिन्छु ।"

हजुरबुबाले उत्तरदिए, "बुढोमान्छेलाई किन नयाँ लुगा लागाउनु पर्छ र ? भो पर्दैन बाबु दु:ख नगर ।"

"उसो भए हजुरलाई म कतै नयाँ ठाउँमा घुम्न लैजान्छु कता जाने ल भन्नुस् हजुरबुबा ।" नातिले फेरि सोधे ।

हजुरबुबाले आफ्नो अडान पुन: दोहोर्याए, बुढोमान्छेले किन घुम्नु पर्यो र बाबु  ?"

"किन हजुरलाई केहि कुराको ईच्छा र चाहना लाग्दैन र किन  यसो भन्नु भएको हजुरबुबा ?" नातिले जिज्ञासा राखे ।

 "बाबु ईच्छा र चाहना हुन्छ कि हुदैन भन्ने कुरो तिम्रा बाउआमा म जस्तै बुढो भएपछि उनीहरूलाई सोध्नु, थाहा पाउँनेछौ । तिमीले चाँही आफ्ना बाउआमाप्रतिको कर्तब्य कहिल्यै नभुल्नु है ?" हजुरबुबाले भने ।

नातिले अचम्म मान्दै सोधे, " हजुरबुबा तपाईँलाई मैले जे सोध्दा पनि बुढो मान्छेले किन गर्नु पर्यो, बुढो मान्छेलाई किन चाहियोमात्र भन्नुहुन्छ, किन ?

हजुरबुबाले उत्तर फर्काए, "यो प्रश्नको उत्तर तिम्रो आमा र बाबालाई सोध !"

मिति:२०८० कार्तिक २

( प्रतियोगीतामा उत्कृष्ठ ११ मा पर्न सफल लघुकथा)

Comments

Post a Comment

Popular posts from this blog

लघुकथा: 'संस्कार'

 सन्दर्भ: हजुरबाआमा दिवस-२०८१ लघुकथा: 'संस्कार'  ✍️ ध्रुवराज थापा 'पुरूष' (काभ्रे, पनौती । हाल: कपन, काठमाडौँ ।) "म धेरै चिन्तामा छु,के गर्ने होला ?" आफ्नी नन्दलाई भाउजु गुनासो गर्दै थिईन । नन्द केही नबोली भाउजुका कुरा एक टकले सुनेरमात्र बसिन् । भाउजु बिलौना पोख्दै थिईन्, " आफ्नो त भाग्य नै त्यस्तै हो कि !  एउटा हुर्केको छोरो पनि राक्षसजस्तो छ ! केही बोल्नै हुन्न झम्टेर आउँछ !" नन्दले प्रशङ्ग मोडिन्, अनि भाउजु छोरी चाही कस्ति छन् त, उनी पनि पढ्न गएकी होलिन, हैन ?" भाउजु पोलिईन, "खै के भन्नु नानी, उसको स्वभाव पनि त्यस्तै हो, जङ्गली स्वभाव ! घरमा नयाँ मान्छे आयो भने छेउमै नपर्ने ! दुबैजना उस्तै छन्, न बोल्ने ढङ्ग छ । न काममा सघाउछन्, आफ्नै सामान ठिक ठाउँमा राखे त हुन्थ्यो !" उनी थप्दै गईन, "अहिले त यस्ता छन्, पछि कस्ता होलान् ?" नन्दले सान्तवना दिईन्, चिन्ता नगर्नुस् न भाउजु, उमेर बढ्दै गएपछि सिक्दै जान्छन् नि !" "हुने विरूवाको चिल्लो पात, नहुने विरूवाको खस्रो पात ! यस्तै पाराले के होला र खै ? तपाईँका छोराछोरी कति असल...
Read more

लघुकथा: 'महत्त्वाकाङ्क्षा'

  लघुकथा : ' महत्त्वाकाङ्क्षा '  ✍️   ध्रुवराज   थापा  ' पुरूष ' ( काभ्रे ,  पनौती   ।   हाल :  कपन ,  काठमाडौँ   । ) मोबाईल :  ९८४१३४२९७२,  इमेल : dhrubaraj70@gmail.com " डाँडाघरे   साईँलीको   बिहे   भएछ   नि   थाहा   तपाईँले   केही   थाहा   पाउनु   भयो  ?"  श्रीमतीले   पतिलाई   जिज्ञासा   राखिन्   । " नचाहीने   कुरा  !  उसको   बाउ   मेरो   मिल्ने   साथी   हो   ।   बिहे   हो   भने   मलाई   थाहा   हुदैन  ?  छोरी   जसरी   पनि   विदेश   जान्छु   भनेर तम्सिएकी   छ   रे  !  कताको   बिहे   हुन्छ  ?"  शंकरले   अविश्वास   प्रकट   गरे   । उनले   प्रश्न   तेर्साए , "  बिहे   भएको   भए   को   सङ्ग   भएको   रहेछ   त  ?"   " ...
Read more