लघुकथा: फुपूको श्राद्ध



 लघुकथा: फुपूको श्राद्ध

✍️ ध्रुवराज थापा 'पुरुष'
(काभ्रे, पनौती । हालः कपन, काठमाडौँ ।)
पालिकाका अध्यक्ष 'स्वाँस्वाँ र फ्वाँफ्वाँ' गर्र्दै टुप्लुक्क आईपुगे । पत्रकार पालिकाका अध्यक्ष अग्रगामीसँग अन्तरवार्ताको तयारीमा छन् ।
पत्रकार: "अध्यक्षज्यू तपाईँको पालिकाको निकै चर्चा परिचर्चा सुनेर म तपाईँसँग अन्तरवार्ता लिन आएको छु ।"
अध्यक्ष: लामोलामो सास फेर्दै उनले भने "धन्यवाद"
पत्रकार: "अध्यक्षज्यू तपाईँको नाम अग्रगामी, तपाईँले आफ्नो अनुसारकै काम गर्दै हुनुहुन्छ रे ! के यो कुरा सत्य हो ?"
अध्यक्ष: "हो मैले अन्य पालिकाको भन्दा पृथक ढंगले कार्य गर्दै आएको भएर त्यस्तो भनेको हुनसक्छ । मलाई लाग्छ हामी अरूभन्दा भिन्न छौँ ।"
पत्रकार: "त्यसो हो भने तपाईँले आफ्नो पालिकामा गरेका नमूनाका कामहरू बुँदागत रूपमा बताउनुस् न त हामीलाई ।"
अध्यक्ष: "पहिलो नम्बरमा हामीले पालिकाका सबै पदाधिकारीलाई प्रत्येक वर्ष एउटा स्मार्टफोन र पोशाक वितरण गर्दै आएका छौँ । दोस्रो नम्बरमा पर्यटन प्रवर्धन गर्न सबैजसो कार्यक्रमहरू हामले रिसोर्टमा गर्ने गरेका छौँ, त्यतिमात्र होईन शिक्षाको विकास का लागि हरेक वर्ष सार्वजनिक विद्यालयका प्रधानाध्यापकहरूलाई तीन तारे होटलमा आवास सहितको रिफ्रेसमेन्ट कार्यक्रम पनि राख्ने गरेका छौँ ।"
पत्रकार: "ए यही हुन् तपाईँको चर्चाको कारण ? अनि आगामी दिनमा कस्तो कार्यक्रम ल्याउने तयारीमा हुनुहुन्छ त अध्यक्षज्यू ?"
अध्यक्ष: "हामीले यस वर्षदेखि पालिकाका प्रतिनिधी तथा कर्मचारीको जन्मदिन मनाउन खर्चको व्यवस्था गरका छौँ । त्यसै गरि छिट्टै पालिका भित्रका महिलाहरूका लागि ४ दिन रजस्वला बिदा दिने निर्णय पनि गर्दैछौँ ।"
मनमनै "लुटको धन फुपूको श्राध्द" भन्दै अर्को प्रश्न नसोधी पत्रकारले कलम बन्द गरे ।
२०८० असोज

Comments

Post a Comment

Popular posts from this blog

लघुकथा: 'संस्कार'

 सन्दर्भ: हजुरबाआमा दिवस-२०८१ लघुकथा: 'संस्कार'  ✍️ ध्रुवराज थापा 'पुरूष' (काभ्रे, पनौती । हाल: कपन, काठमाडौँ ।) "म धेरै चिन्तामा छु,के गर्ने होला ?" आफ्नी नन्दलाई भाउजु गुनासो गर्दै थिईन । नन्द केही नबोली भाउजुका कुरा एक टकले सुनेरमात्र बसिन् । भाउजु बिलौना पोख्दै थिईन्, " आफ्नो त भाग्य नै त्यस्तै हो कि !  एउटा हुर्केको छोरो पनि राक्षसजस्तो छ ! केही बोल्नै हुन्न झम्टेर आउँछ !" नन्दले प्रशङ्ग मोडिन्, अनि भाउजु छोरी चाही कस्ति छन् त, उनी पनि पढ्न गएकी होलिन, हैन ?" भाउजु पोलिईन, "खै के भन्नु नानी, उसको स्वभाव पनि त्यस्तै हो, जङ्गली स्वभाव ! घरमा नयाँ मान्छे आयो भने छेउमै नपर्ने ! दुबैजना उस्तै छन्, न बोल्ने ढङ्ग छ । न काममा सघाउछन्, आफ्नै सामान ठिक ठाउँमा राखे त हुन्थ्यो !" उनी थप्दै गईन, "अहिले त यस्ता छन्, पछि कस्ता होलान् ?" नन्दले सान्तवना दिईन्, चिन्ता नगर्नुस् न भाउजु, उमेर बढ्दै गएपछि सिक्दै जान्छन् नि !" "हुने विरूवाको चिल्लो पात, नहुने विरूवाको खस्रो पात ! यस्तै पाराले के होला र खै ? तपाईँका छोराछोरी कति असल...
Read more

लघुकथा: 'महत्त्वाकाङ्क्षा'

  लघुकथा : ' महत्त्वाकाङ्क्षा '  ✍️   ध्रुवराज   थापा  ' पुरूष ' ( काभ्रे ,  पनौती   ।   हाल :  कपन ,  काठमाडौँ   । ) मोबाईल :  ९८४१३४२९७२,  इमेल : dhrubaraj70@gmail.com " डाँडाघरे   साईँलीको   बिहे   भएछ   नि   थाहा   तपाईँले   केही   थाहा   पाउनु   भयो  ?"  श्रीमतीले   पतिलाई   जिज्ञासा   राखिन्   । " नचाहीने   कुरा  !  उसको   बाउ   मेरो   मिल्ने   साथी   हो   ।   बिहे   हो   भने   मलाई   थाहा   हुदैन  ?  छोरी   जसरी   पनि   विदेश   जान्छु   भनेर तम्सिएकी   छ   रे  !  कताको   बिहे   हुन्छ  ?"  शंकरले   अविश्वास   प्रकट   गरे   । उनले   प्रश्न   तेर्साए , "  बिहे   भएको   भए   को   सङ्ग   भएको   रहेछ   त  ?"   " ...
Read more