लघुकथा : प्रेमालाप

 लघुकथा: 'प्रेमालाप' 

✍️ ध्रुवराज थापा 'पुरूष'

(काभ्रे, पनौती । हाल: कपन, काठमाडौँ ।)

मोबाईमा घण्टी बज्यो रत्नेले बोल्यो, "हलो जेपी !"

उताबाट जवाफ आयो, "रत्ने तँ कहाँ छस् ? आज दिउँसो दुईबजे मनशान्ति पार्कमा आईज है, रश्मिले पनि आउँछुभनेकी छ !"

रत्नेले भन्यो, "आउँदिन म, तँलाई पो तेरो गर्लफ्रेण्ड साथी हुन्छ, म जोक्कर बन्न किन आउँ ? आउन्न म त !"

जेपीले पुन जोडबल गर्यो, "आईजोन यार साथीको लागी त्यति गर्न सक्दैनस् ? बल्ल उसले आज मलाई समय दिएकीछ आज केही होला जस्तो छ !"

रत्नेले ईन्कार्न सकेन । 

पार्कमा रश्मि र जेपीको भेट भयो । खाली रहेको एउटा बेन्चमा गएर बसे । उनीहरू प्रेमिल कुराकानी गर्दै थिए । केहीबेरमा रत्ने पनि टुप्लुक्क आईपुग्यो । रत्नेलाई बस्न दुबैले आग्रह गरे । उनीहरू एक आपसमा चिनजानका साथि पनि थिए ।

रत्ने जेपीको छेउमा बस्यो । जेपीले रत्नेलाई सर्प्राईज दिने हिसाबले ज्याकेटको चेन खोल्यो र एउटा रातो गुलाफ निकालेर रश्मितिर तेर्स्याउँदै भन्यो, "रश्मि आज प्रेम दिवसको दिन म तिमीलाई यो फूल दिन चाहन्छु, आई लभ यु !" 

त्यतिनै बेला रश्मिले एक हातले  जेपीले दिएको फूल समाति र अर्को हातले पछाडीबाट रत्नेको हातलाई जोडले च्याप्पसमाति र जेपी तिर हेरेर भनि, "सेम टु यु !"