लघुकथा: 'नाटक'

 लघुकथा: 'नाटक' 

✍️ ध्रुवराज थापा 'पुरूष'

(काभ्रे, पनौती । हाल: कपन, काठमाडौँ ।)

(अन्तर्राष्ट्रिय मजदुर दिवसका अवसरमा प्रेषित लघुकथा)

सुट टाई लगाएका सुकिला मान्छेहरू हलभित्र पसे !

तारे होटलको सभाहल क्षणभर मै भरियो ।

हक अधिकारका कुरा भए। उनीहरूलाई माथि ल्याउने कुरा भयो ।अधिकार बाँडने कुरा भए । पहुँच बढाउने बिचारबाँडीयो ।कार्यपत्र प्रस्तुत भयो । टिप्पणीकारले टिप्पणी गरे ।दर्शकले ताली पड्काए । कसैले मोटा कसैले दुब्ला खामबुझे । सबै प्रफुल्ल देखिए ।कार्यक्रम सकियो । खानपान सुरू भयो । फिला र कवाफ मज्जाले चपाए । विदेशीब्रान्डीको खोलो बग्यो । 

डोरीमा झुण्डीएर होटलको रङ्गरोगन गर्दै गरेका एक मजदुरले झ्यालबाट उक्त दृष्य देखे । भोक तिर्खाले प्याकप्याकपरेका उनले घुटुक्क थुक निल्दै हावामा उड्दै गरेका आफ्ना साथिलाई देखाए, "उ हेर त, यहाँ त हाम्रै दिवस पो मनाएकोरहेछ !"

मिति : May 1, 2024