लघुकथा: 'लुट'
लघुकथा: 'लुट'
✍️ ध्रुवराज थापा 'पुरूष'
(काभ्रे, पनौती । हाल: कपन, काठमाडौँ ।)
"कतिमात्र घोट्न सक्याहोला ? घोट्दा घोट्दै छाला खुईलेला है ? आखिर जति घोटे पनि तपाईँको सन्तुष्टि पूरा नहुनेभो !" करिष्माले पतिलाई भनिन् ।
"तिमीले भनेर हुन्छ ? म मेरो रहर पूरा गरेरै छोड्छु !" भन्दै श्रीमान फेरि घोट्नमै तल्लीन भए !
"लौ लौ मन लागुन्जेल गर्नुस् अब म केही भन्दिन, उल्टो अलिअलि भएको पनि झर्छ अनि थाहापाउनु होला !" श्रीमतीका कुरा सुनेर श्रीमानले सम्झाए "झर्दैन के झर्दैन, हतार गरेर हुन्छ ! अलि धैर्य गर्नुपर्यो नि ! मेरा साथी अरूलेपनि यसै गर्छन् रे !"
करिष्माले खिस्याउँदै भनिन् "खुबै ! हुने भए यतिका दिनसम्म अलिअलि छाँटा त देखाउनु पर्ने होईन र भन्या ? कहाँकोनक्कली तेल बोकेर आएको होला, के आउँथ्यो कपाल, खै मलाई त विश्वास लाग्दैन है ।रातदिन घोटेर हातमात्रदुख्नेभए तपाईँका !" श्रीमतिले शङ्का व्यक्त गरिन ।
"त्यस्तो त नहोला सामाजिक सन्जालभरी त्यत्रो प्रचार छ यो तेलको ! नेपालमामात्र हो र विदेशमा समेत माग छ योतेलको । बेचेर भ्याएका छैनन् ।"तालु घोट्दै श्रीमानले विश्वास व्यक्त गरे ।
"यो सामाजिक सन्जालको दुरूपयोग गरेर मानिसलाई आजभोलि लुट्नु सम्म लुटेका छन् ।हुनै नसक्ने कुरा पनि दुरूस्तैभएजस्तो गरी देखाएर सिधासाधालाई मुर्गा बनाएका छन् । सम्बन्धित निकाय कानमा तेल हालेर बसेको छ । कानुनकमजोर भएपछि भ्रष्टहरू सलबलाएका छन् ।" श्रीमतीले अविश्वास थपिन् ।
"कसरी नपत्यउनु त यो तेलमा छत्तिस थरीका जडिबुटीमा डुबाएर राखेको आफ्नै आँखाले देखिएकै छ ! फेरि नामचलेका कलाकारहरूले मेरो कपाल आयो भनेर टेलिभिजनमा अन्तरवार्ता दिएको त तिमिले पनि देखेकी छ्यौ त !" श्रीमान् आफ्ना कुरामा अडिग रहे ।
श्रीमतीले हास्दै ब्यङ्ग प्रहार गरिन्, "त्यो तेलले ति प्रायोजित कलाकार र बिदेश बस्नेकोमात्र कपाल आउँछ क्या ! कुनदिन छापा मारेको खवर आउँछ, सुन्न तयार भएर बस्नुस् !"
मिति : २०८१ जेठ २५ गते
Comments
Post a Comment