लघुकथा : चेक

 


लघुकथा : चेक

-ध्रुवराज थापा 'पुरूष'

(काभ्रे, पनौती । हाल: कपन, काठमाडौँ ।)


उनलाई मुलढोकाबाट भित्रिएको देख्ने बित्तिकै भागदौड मच्चियो ।

हस्याङफस्याङ चल्यो ! अत्यासा छायो ! कालो बादल मडारीय झैँ भयो !

कोही बाहिर निस्केका आफ्ना साथीभाईलाई छिट्टै फर्किहाल भनेर फोन गर्न थाले । कोही झोलाबाट पोशाक झिकेर अँध्यारो कोठामा गएर फेर्न थाले ।

उनी चाँही सरासर कार्यालय प्रमुखको कार्यकक्षमा पुगेर  सबै कर्मचारीलाई उपस्थित गराउन आदेश गरे । हाकिमले तालुकदार मन्त्रालयका मन्त्रीको आज्ञा शिरोपर गरे ।

एकैछिनमा उपलब्ध सबैलाई उपस्थित गराईयो । बडा हाकिमले हाजिरी रजिष्टर पल्टाउँदै प्रश्न गरे,

बडा हाकिम : तपाईँले पोशाक भत्ता पाउनु भएको छ कि छैन ?

कर्मचारी नं. १ : पाएको छु सर ।

बडा हाकिम : त्यसो भए तपाईँले किन कर्मचारी पोशाक लगाउनु भएन ?

उनले कार्यालय प्रमुखलाई भने, "आज वहाँको गयल जनाईदिनु !"

कर्मचारी नं. १ थरथर काप्दै चुपचाप बसे । बडा हाकिमले कर्मचारी नं. २,३,४ लाई पनि सोही मुद्दामा समाते, सबै मौन बसे । अर्को कर्मचारीको पालो आयो ।

मन्त्रीले कर्मचारी नं. ५ लाई बेस्सरी हपारे, "अनि तपाईँले चाँही किन लगाउनु भएन त कार्यालय पोशाक, कि तपाईँलाई छुट छ ?"

कर्मचारी नं. ५ : जङ्गीएर निडरताकासाथ बोले, "छुट त हजुरलाईलाई छ नि ! छड्के गर्न आउने कर्माचारी न तपाईँको कर्मचारी पोशाक छ, न परिचयपत्र नै झुण्ड्याउनु भएको छ ! आफ्नो आङ्को भैँसी नदेख्ने अर्काको आङको चाँही जुम्रा पनि देख्ने ?"

मिति : २०८१/०२/०६

Comments

Post a Comment

Popular posts from this blog

लघुकथा: 'संस्कार'

 सन्दर्भ: हजुरबाआमा दिवस-२०८१ लघुकथा: 'संस्कार'  ✍️ ध्रुवराज थापा 'पुरूष' (काभ्रे, पनौती । हाल: कपन, काठमाडौँ ।) "म धेरै चिन्तामा छु,के गर्ने होला ?" आफ्नी नन्दलाई भाउजु गुनासो गर्दै थिईन । नन्द केही नबोली भाउजुका कुरा एक टकले सुनेरमात्र बसिन् । भाउजु बिलौना पोख्दै थिईन्, " आफ्नो त भाग्य नै त्यस्तै हो कि !  एउटा हुर्केको छोरो पनि राक्षसजस्तो छ ! केही बोल्नै हुन्न झम्टेर आउँछ !" नन्दले प्रशङ्ग मोडिन्, अनि भाउजु छोरी चाही कस्ति छन् त, उनी पनि पढ्न गएकी होलिन, हैन ?" भाउजु पोलिईन, "खै के भन्नु नानी, उसको स्वभाव पनि त्यस्तै हो, जङ्गली स्वभाव ! घरमा नयाँ मान्छे आयो भने छेउमै नपर्ने ! दुबैजना उस्तै छन्, न बोल्ने ढङ्ग छ । न काममा सघाउछन्, आफ्नै सामान ठिक ठाउँमा राखे त हुन्थ्यो !" उनी थप्दै गईन, "अहिले त यस्ता छन्, पछि कस्ता होलान् ?" नन्दले सान्तवना दिईन्, चिन्ता नगर्नुस् न भाउजु, उमेर बढ्दै गएपछि सिक्दै जान्छन् नि !" "हुने विरूवाको चिल्लो पात, नहुने विरूवाको खस्रो पात ! यस्तै पाराले के होला र खै ? तपाईँका छोराछोरी कति असल...
Read more

लघुकथा: 'महत्त्वाकाङ्क्षा'

  लघुकथा : ' महत्त्वाकाङ्क्षा '  ✍️   ध्रुवराज   थापा  ' पुरूष ' ( काभ्रे ,  पनौती   ।   हाल :  कपन ,  काठमाडौँ   । ) मोबाईल :  ९८४१३४२९७२,  इमेल : dhrubaraj70@gmail.com " डाँडाघरे   साईँलीको   बिहे   भएछ   नि   थाहा   तपाईँले   केही   थाहा   पाउनु   भयो  ?"  श्रीमतीले   पतिलाई   जिज्ञासा   राखिन्   । " नचाहीने   कुरा  !  उसको   बाउ   मेरो   मिल्ने   साथी   हो   ।   बिहे   हो   भने   मलाई   थाहा   हुदैन  ?  छोरी   जसरी   पनि   विदेश   जान्छु   भनेर तम्सिएकी   छ   रे  !  कताको   बिहे   हुन्छ  ?"  शंकरले   अविश्वास   प्रकट   गरे   । उनले   प्रश्न   तेर्साए , "  बिहे   भएको   भए   को   सङ्ग   भएको   रहेछ   त  ?"   " ...
Read more