लघुकथा: ठण्डाराम

 लघुकथा: ठण्डाराम

✍️ ध्रुवराज थापा 'पुरूष'
(काभ्रे, पनौती, टौखाल।हाल: कपन,काठमाडौँ।)
"हम् खाया बम्बै दिल्ली, हमको खाया घरका बिल्ली ?"
श्रीमानको एक्लै भुतभुताई सुनेर कोठामा पस्दै सोधिन् "हैन के भयो ? कसलाई के भन्नुभएको ?
"आजकाल सामाजिक सन्जालमा ठगहरूको अत्यधिक बिगबिगी छ सचेत भईनौ भने तिमी पनि फस्लिउ है होस् गर !" जवाफ फर्कियो ।
"हैन भयो चाँही पहिला त्यो भन्नु नि !" श्रीमतीको कौतुहलता बढ्यो ।
श्रीमानले म्यासेन्जरको स्क्रिनसर्ट देखाउँदै भने "हेरन मेरो साथि प्रमेशले मेरो मोबाईल बैंङ्किङ्मा समस्या आयो, ५० हजार क्यूआर गरिदिनु म भोलि नै फिर्ता गर्दिन्छु भनेर म्यासेज गरेको रहेछ !"
"बिचरा उहाँ त तपाईँको मिल्ने साथि हैन र भन्या ? कहिलेकाँही 'जहाँ गह्रो त्यहाँ साह्रो' पर्छ, पठाईदिए भैहाल्छनि भोलि नै दिन्छु भनेकै छ क्या रे !
श्रीमान रन्किए "मैले भनिहालेँ नि हो यसरी नै फस्छन् मान्छेहरू ! कुरोसुरो बुझ्नु छैन, त्यसै प्वाक्क बोलेको छ !"
"खास कुरा के हो भनिहाल्नु नि त ! मैले त तपाईँकै नजिकको मित्र भएर पो भनेको त !" श्रीमती पनि तातिन ।
"मलाई शंका लागेर प्रमेशलाई फोन गरेर सोधेँ । उसले आफ्नो फेसबुक आईडी ह्याक भएको र अरू २/४ जना साथी ठगिइ सकेको कुरा सुनायो ।"
श्रीमती आश्चर्यचकित परिन् "ओहो !"
"यदि मैले जाँचबुझ नगरी साथीलाई समस्या परेछ भनेर पैसो पठाएको भए के हुन्थ्यो ?" श्रीमानले श्रीमतीलाई सोधे ।
श्रमतीको उत्तर फर्कियो, "ठण्डाराम !"
२०८१ कार्तिक २०

Comments

Post a Comment

Popular posts from this blog

लघुकथा: 'संस्कार'

 सन्दर्भ: हजुरबाआमा दिवस-२०८१ लघुकथा: 'संस्कार'  ✍️ ध्रुवराज थापा 'पुरूष' (काभ्रे, पनौती । हाल: कपन, काठमाडौँ ।) "म धेरै चिन्तामा छु,के गर्ने होला ?" आफ्नी नन्दलाई भाउजु गुनासो गर्दै थिईन । नन्द केही नबोली भाउजुका कुरा एक टकले सुनेरमात्र बसिन् । भाउजु बिलौना पोख्दै थिईन्, " आफ्नो त भाग्य नै त्यस्तै हो कि !  एउटा हुर्केको छोरो पनि राक्षसजस्तो छ ! केही बोल्नै हुन्न झम्टेर आउँछ !" नन्दले प्रशङ्ग मोडिन्, अनि भाउजु छोरी चाही कस्ति छन् त, उनी पनि पढ्न गएकी होलिन, हैन ?" भाउजु पोलिईन, "खै के भन्नु नानी, उसको स्वभाव पनि त्यस्तै हो, जङ्गली स्वभाव ! घरमा नयाँ मान्छे आयो भने छेउमै नपर्ने ! दुबैजना उस्तै छन्, न बोल्ने ढङ्ग छ । न काममा सघाउछन्, आफ्नै सामान ठिक ठाउँमा राखे त हुन्थ्यो !" उनी थप्दै गईन, "अहिले त यस्ता छन्, पछि कस्ता होलान् ?" नन्दले सान्तवना दिईन्, चिन्ता नगर्नुस् न भाउजु, उमेर बढ्दै गएपछि सिक्दै जान्छन् नि !" "हुने विरूवाको चिल्लो पात, नहुने विरूवाको खस्रो पात ! यस्तै पाराले के होला र खै ? तपाईँका छोराछोरी कति असल...
Read more

लघुकथा: 'महत्त्वाकाङ्क्षा'

  लघुकथा : ' महत्त्वाकाङ्क्षा '  ✍️   ध्रुवराज   थापा  ' पुरूष ' ( काभ्रे ,  पनौती   ।   हाल :  कपन ,  काठमाडौँ   । ) मोबाईल :  ९८४१३४२९७२,  इमेल : dhrubaraj70@gmail.com " डाँडाघरे   साईँलीको   बिहे   भएछ   नि   थाहा   तपाईँले   केही   थाहा   पाउनु   भयो  ?"  श्रीमतीले   पतिलाई   जिज्ञासा   राखिन्   । " नचाहीने   कुरा  !  उसको   बाउ   मेरो   मिल्ने   साथी   हो   ।   बिहे   हो   भने   मलाई   थाहा   हुदैन  ?  छोरी   जसरी   पनि   विदेश   जान्छु   भनेर तम्सिएकी   छ   रे  !  कताको   बिहे   हुन्छ  ?"  शंकरले   अविश्वास   प्रकट   गरे   । उनले   प्रश्न   तेर्साए , "  बिहे   भएको   भए   को   सङ्ग   भएको   रहेछ   त  ?"   " ...
Read more